Yanik Milani

yanik äs isch churz vor wiehnachte. der 21.dezember. u du bisch 21 monet nüme uf der welt. 

zläbe geit witer o ohni di. mir isch so klar worde das äs sache git wo nie meh guet wärde. ig wirde nie me ganz glücklech si... äs isch eifach nüm möglech ohni di. du bisch ä teil vo mir gsi u du hesch so viu farb bracht i mis läbe. du bisch d seel gsi vo üser familie!

ig bi so stouz uf di wenn dini fründe vo dir verzeue. chürzlech ha ig dodo kenne glehrt. ä beidruckendi jungi frou.

hoffe es geit dir guet wo immer du bisch und mir gse üs mau wider...

müntschi mama

hey yani, es isch isch herbscht worde dusse. du würdsch säge zum glück.... ;-) ja ja du u dr winter!au die nöie sache wos jz git probiere ig für di ufznäh wöu du se nüme hesch chönne erläbe.die nöii 50 er note ig gloub die hät dr gfaue. du wärsch sicher dr der erscht gsi wo am abe wär heichomit dere.d rivella fläsche het jz ä anderi schrift drufe. so chli moderne. ig schätze jz mau das wär nid i dim sinn. du hesch gloub die auti guet gfunde.grad ersch isch gamescom gsi in köln. wärsch äch wieder mit em wäbbi gange?die anime büechli - a ganze ständer vou hani gse im büchelade.u z iphone 7 isch jz grad use cho. wärsch äch bi de erschte wo eis hätti?du gsesch äs louft aues witer....

immer wenn ig dusse bi luege ig a himmu ufe u gseh die wouke mit ihrne verschidene forme u gebiude. 

es flashet eim irgendwie u viu säg ig de jungs we si drbi si: hey lueget mau dä himmu a!

ig weiss nümm was ig söu gloube. sit dim tod het sech o dr gloube a ne gott u anes läbe nach em tod verabschiedet.

du hesch immer gseit: mit em tod hört aues uf u ig ha geng dr gäge gred,

ig weiss nid wär recht het ka yanik - aber wenn ig i dä himmu luege empfinde ig so ne unändlechkeit....

so unändlech wie ig die vermisse u liebe!

Es tut einfach nur weh und es ist endgültig!

Keine Hoffnung ..... mir fehlen die Worte.

Was bleibt ist die Erinnerung und die Liebe

..... und dieser Schmerz!

Ganz weit draußen am Ende des Regenbogens
werde ich auf Euch warten, 
werde sitzen bleiben
mit verschränkten Armen über den Knien, 
damit ihr nicht seht und nicht zu früh erfährt 
mit welcher Sehnsucht ich Euch erwartet habe.

ja yanik, ig cha mir biudlech vorsteue wie du dört hocksch mit dire kaputzejagge u dine blonde wuschuhaar .... aber gloub mer, ig wirde so schnäu si wie no nie, denn das isch aues wo ig mir wünsche di wider z gseh! u när la ig di nieme los, nieme!!!