Marlise Schiess-Kühne

Hoi Gotti, ich ha mi wider mol wöllä bi der meldä, ich denk so viel a Die und vermiss Die sehr und den denki ah erläbts mit Dir und denn mue ich mengmol so gar chli grinsä - aber denn chunt au gad wider die schwäri wo mi trurig macht. Vor emenä Johr hend mir no vo Wien gschwärmt, wie ä schöni Stadt das isch und das du Sachertortä über alles liebsch, du hesch mir Tips geh für mini Städtereis. Wie gärn wür ich mit Dir wieder mol ä paar gmüetlichi Stunde verbringä, en Kaffee drinkä unds lustig ha. Bi letschthin gad bi dä Sarah gsie und ha scho vom Tisch immer zu dim schönä Plätzli möse luegä - es het mir fascht mis Herz verissä. I vermiss Die. Ich hoffe fescht das der Guet got wot jetzt bisch - und irgendwenn gseend mir üs wider. Jetzt schick ich der ä dicki Umarmig in Gedanke du bisch s beste Gotti gsie wommer sich cha wünschä. 

Liebs Mami ziit lauft und das ohni dich...wills jetzt no nöd wohr ha das du nüme under üs bisch. du fehlsch mir unendlich fescht. du häsch mir immer soviel kraft geh und bisch immer für mich do gsi. bi mir lauft alles drunter und drüber. weiss grad nüme wo mir dä kopf stoht. mami, falls du das lesisch oder du merksch das es mir nöd guet got, ich bitte dich...gib mir es zeiche vo dir. ich will dich wiedermol gspüre oder vo dir träume. den fühlt sichs so a, dass ich di wiedermol gseh han und dir ganz nöch gsi bin. das würd mir sooo viel geh. viellicht häsch es scho mitübercho, ich zügle mit dine zwei goldschätz und mim schatz woni über alles liebe i dini wohnig. dä dani lueged üs so guet und git üs unglaublich viel. kinder liebed ihn. es isch so schad, häsch du ihn nüme dörfe kennelerne. du hettisch dä dani fescht gern ka. er tuet üs richtig guet und er meint, er segi dir sehr dankbar häsch du so ä wundervolli tochter uf d‘welt brocht. mir freued üs uf dä neui lebesabschnitt und ich fühl mi mit dir verbunde, dörfed mir i dine vier wänd dihai si. d‘maitle verzelled so viel vo dir, si vermissed dich au ganz fescht und sind immer wieder fescht trurig das di beschti oma uf dä welt hät müesse d‘erde verloh. ich hoffe dir gots guet wo du jetzt bisch. ich liebe dich über alles❤️

Liebs mami es isch scho ä halbs johr vergange sit du für immer igschlofe bisch. hüt a dim geburtstag sind mir uf‘s chinaschiff rindfleisch nach art des hauses go esse. das häsch du soo gern ka. in gedenke a dich bini mit dä sarah und dine chline zwei schätz a dim tisch gsesse und hend fest a dich denkt. du fehlsch üs unendlich fescht, häsch so ä grossi lucke hinderloh. mir chönnds nöd i wort fasse...es vergot kein tag wo mir nöd a dich denked. mir liebed dich über alles, du bisch s‘allerbeschti mami gsi wo me sich hät chönne wünsche. ich würd alles däfür geh, zum di wieder chönne in arm neh, zum mit dir rede. üsi gspröch, dini rotschläg fehled mir sehr. du bisch dä allerbeschti mensch gsi uf erde❤️ ich deuck di ganz fescht...dini debbie

Hoi Gotti, hüt wärsch du 66gi wordä - mir hoffed fest dass du döt wo du jetzt bisch äs schöns Geburtstagsfest chasch fierä. mir vermisset die do bi üs. Ganz liebie Grüessli dies Gottemeiteli

Liebs, bests Gotti, Du hesch hüt s'schönste Plätzli übercho wos überhaupt git. Mir alli wo die hüt verabschiedet hend, vermissed Die sehr. Mir hoffet das Dir dötä wo Du jetzt bisch guet goht. Mir vermissed Die sehr und denked gern a alli schöne Sache wo mir mit Dir erlebt hend. Dis Gottemeiteli Daniela 💞💝💟